Sa Muling
Pagbulong
Ninais kong lumangoy ngunit
nawala ang tubig
Nanuyo ang karagatan
Dumikit sa aking mga balat ang
simoy ng natuyong alat
Mahapding naglakad ang mga paa
patungo sa’yo
Hagkan mo naman ako
Bigla kang nanahimik, tila
nawala
Sinaliksik, hinanap ko ang
lagusan
Nagtatago ka ba?
Gusto kong hintayin ang mga
sasabihin mo
Sa kabila ng panaghoy, hindi
mabilang ang mga pangako
Isa isa natutupad. Oo, hanggang
ngayon
Ngunit bakit ka nawala?
Makakalimutin na ba ako?
O nilimot mo na ako?
Bago matapos ang araw, umihip nang
malakas ang hangin
Pinilas ang kalahati ng aking
katawan
Sumayaw ang aking utak sa saliw
ng tugtugin
Naaalala ko na
Hindi mo ako iniwan
Imposible nga palang tumayo kung
kalahati ka na lang.
:)
ReplyDeleteOH. MY. ♥
ReplyDelete